Taya Bédana
Ku Taufik Rahayu
turaés mébér jangjang
nembangkeun lagu katiga
mata poé morérét seukeut
ngahéabkeun hariwang di unggal madhab
sawah garing,
wahangan saat,
cai ngolétrak. Nampeu na mata soca.
tapi, naha bet melang?
kapan hujan mah mo burung juuh
ti juru soca.
ngagebret tunggara ngamalir banjir cileuncang.
beuteung lapar,
rakyat baruntak,
harepan runtag.
geus biasa.
ngijih jeung halodo,
taya bédana.
Cisompét, 29 Maret 2011
Taufik Rahayu, lahir di Cisompét, Kabupatén Garut. Mahasiwa Jurusan Sastra Sunda Unpad entragan 2009
(dimuat dina MAJALAH MANGLÉ édisi. 2319)
(dimuat dina MAJALAH MANGLÉ édisi. 2319)
keren,... sunda memang eksotik,.. ^^
BalasHapus